Бүгүн ыам ыйын 4 күнүгэр С.С.Васильев-Борогонскай аатынан улуустааҕы киин библиотекаҕа Улуу Кыайыы 81 сылын көрсө “Чиэс, албан аат — үйэлэргэ” быыстапка арыллыыта үөрүүлээх быһыыга-майгыга аһылынна. Быыстапка арыллыыта Уус Алдан улууһун ветераннарын Сэбиэтин председателэ Иван Иванович Колодезников эҕэрдэ тылынан саҕаланна. Салгыы быыстапканы ааҕааччыны кытта үлэлиир отдел библиотекара Татьяна Дмитриевна Бурцева билиһиннэрдэ. Аҕа дойду сэриитигэр уонна тыылга биир дойдулаахтарбыт кыттыыларын, үйэтитэр үлэлэр туһунан сырдатта. Электроннай библиотека отделын сэбиэдиссэйэ Роза Константиновна Колодезникова “Бессмертный полк”, “Бессмертный материнский подвиг” сайт, Аҕа дойду сэриитигэр аналлаах сигэлэр туһунан көрдөрдө, сырдатта.
