Бүгүн, муус устар 24 күнүгэр улуустааҕы киин библиотека ааҕар саалатыгар Республика күнүн көрсө «Мин — Россия гражданинабын» диэн бырайыак чэрчитинэн үөрүүлээх быһыыга-майгыга пааспары туттарыы үөрүүлээх тэрээһинэ ыытылынна. Бу бырайыак «Биир ньыгыл Россия» партия улуустааҕы исполкома, кииннэммит библиотека тиһигэ, «Билии» общество улуустааҕы салаата, федеральнай миграционнай сулууспа, «Мин докумуоннарым» элбэх өҥөнү оҥорор киин көҕүлээһиннэринэн үтүө үгэскэ кубулуйбут тэрээһининэн буолар. Уус Алдан 14 эдэр олохтоохторугар Россия Гражданина буолбуттарын туоһулуур докумуону – пааспары туттарыы долгутуулаах уонна үөрүүлээх чааһынан эҕэрдэлээтилэр «Биир Ньыгыл Россия» партия улуустааҕы исполкомун толорооччу сэкирэтээрэ Күннэй Петровна Рощина, УусАлданнааҕы «Мин докумуоннарым» элбэх өҥөнү оҥорор киин салайаччытыгар Мария Афанасьевна Рожина, “Бастакылар” оҕо хамсааһыннара салайааччыта Айыына Владимировна Бережнова. Оҕолор бу тэрээһинтэн дойдуларын, төрөөбүт улуустарын чиэһин көмүскүүр, бэриниилээх буолууга эппиэтинэһи сүгэллэригэр эрэнэбит.
