Балаҕан ыйын 25 күнүгэр Курбуһах нэһилиэгин Балаҕаннаах бөһүөлэгэр , Аҕа дойду улуу сэриитин кыттыылааҕын, сэрии уонна үлэ ветеранын, сылгыны иитиигэ олоҕун анаабыт Бурнашев Федосий Васильевич туһунан саҥа кинигэ сүрэхтэниитэ үөрүүлээх быһыыга –майгыга буолан ааста.
Кинигэни ветеран кыыһа Галина Федосеевна Бурнашева таһаарда, үгүс ахсааннаах оҕолоро, сиэннэрэ, аймахтара уонна нэһилиэк сылгыһыттара үбүлээһинигэр көмөлөспүттэр. Сүрдээх киэҥ ис хоһоонноох наьаа үчүгэй кинигэ элбэх ахтыылардаах түһүмэхтэртэн турар, үгүс элбэх хаартыскалардаах. Ветеран оҕолоро кинигэни улуус бары библиотекаларыгар тиксэр экземпляры бэлэхтээбиттэрэ кэрэхсэбиллээх, улуус бары ааҕааччыларыгар бэрт бэлэх буолла.
