Переключить для слабовидящих

«КУОРСУН-2018» - улуустааҕы уус-уран айымньыны суруйуу күрэҕэ

Рейтинг:  0 / 5

Звезда не активнаЗвезда не активнаЗвезда не активнаЗвезда не активнаЗвезда не активна
 
Опубликовано: 25.09.2018

Улуустааҕы уус - уран айымньыны суруйуу күрэҕэ Уус Алдан улууһун культураҕа управлениетын, Кулантай аатынан литературнай музей-комплексын уонна кииннэммит библиотека тиһигин тэрийиилэринэн үтүө үгэс буолан сыллата ыытыллар.

Күрэх сүрүн соругунан суруйар дьоҕурдаах дьону көҕүлээһин, олохтоох ааптардар айар үлэлэригэр ааҕааччы болҕомтотун, сэҥээриитин тардыы; билиҥҥи саха литературатыгар саҥа ааттары арыйыы, сонун суруйуулары киллэрии; литература уонна ааҕыы киһиэхэ үтүө сабыдыалын, эргиччи сайдыылаах, духуобунай өттүнэн баай, сиппит хоппут личность тахсарыгар оруолун күүһүрдүү буолар.

Балаҕан ыйын 21 күнүгэр В.А. Протодьяконов-Кулантай аатынан литературнай комплекс тэриллибитэ 25 сылыгар анал тэрээһин чэрчитинэн «Куорсун» күрэх түмүгэ таһаарылынна. Барыта 34 үлэ күрэххэ киирбитэ. Тэрээһиҥҥэ олохтоох ааптардар айар үлэлэрин кэпсиир киэҥ ис хоһоонноох стендэлэр ыалдьыттар болҕомтолорун тартылар.

Күрэххэ киирбит үлэлэри Саха Республикатын суруйаччыларын союһун салайааччыта, СР народнай поэта Мигалкин Иван Васильевич уонна Дьааҥы улууһун культуратын управлениетын начальнига, поэт Стручков Виктор Павлович- Дуулаҕа Дьуһаал, «Полярная звезда» уус-уран литературнай сурунаал тылбааска отделын сэбиэдиссэйэ Никитина Мария Валерьевна, поэт, медицинскай наука доктора Николаев Валериан Парфеньевич сыаналаатылар, айымньыларын ырыттылар.

Кыттааччылар ортолоругар киэҥ эйгэҕэ биллэр, ааҕааччы сэҥээриитин ылбыт ааптардар, эдэр ийэлэр, ыччаттар элбэхтэр. Түмүккэ сертификатынан бэлиэтэннилэр Гуляев Александр Васильевич, Находкина Татьяна Петровна-Алгыстаана, Сыроватская Сардана Николаевна, Борисова Галина Николаевна-Толбооно. Прозаҕа III үрдэли ылла Бэйдиҥэттэн Колосова Анна Борисовна, II үрдэли Суоттуттан Попов Иннокентий Петрович, I үрдэлинэн бэлиэтэннэ Ильина Татьяна Николаевна-Татыйык. Поэзияҕа III үрдэли биэрдилэр Ильина Татьяна Николаевнаҕа-Татыйык, II үрдэли ылла Сыроватская Елена Николаевна, I үрдэли Ховрова Марфа Ивановна-Талбаана бэлиэтэннэ.

Бу күн «Куорсун» кыттыылаахтара элбэх туһалаах сүбэлэри истэн, суруйааччылары кытары аһаҕастык ирэ-хоро кэпсэтэн, бэйэ-бэйэлэрин кытары чугастык билсэн, астынан тарҕастылар.

 1 2

Просмотров: 36

Контактная информация

Контактная информация

 Адрес: 678350, Республика Саха (Якутия),

Усть-Алданский улус, с.Борогонцы

ул. В.В.Румянцева 12.

Конт.тел: 8-411-61-41-231

Факс: 8-411-61-41-342

E-mail: uacbsbor@mail.ru

техподдержка:

uacbsborsupp@gmail.com

Яндекс.Метрика

 

Наши партнеры

h400     Flag of Ust-Aldansky rayon      uakultur
 
neb