Бэс ыйын 20 күнүгэр оҕо библиотекатыгар Мүрү эбэ иһинээҕи сайыҥҥы оҕо лааҕырдар икки ардыларыгар «Айылҕа - төрөөбүт биһикпит» интерактивнай оонньуу ыытылынна. Манна 5-тии кыттааччылаах 5 хамаанда оонньууга кытынна. Интеллектуальнай оонньууга Ытык кэрэ сирдэр, Мүрү алаас, Кыһыл кинигэ, хамсыыр-харамай, үүнээйилэр категориялардаах оонньонно. Интеллектуальнай оонньуубут түмүгүнэн «Кэнчээри» лааҕыр («Кэнчээри» ансамбль оҕолоро) 1 миэстэ, 2 миэстэ «Эрчим 1» (Мүрү №1-дээх орто оскуола), 3 миэстэ «Пресса» ( «Мүрү саһарҕата» редакция). «Эрчим 2» (Мүрү №1-дээх орто оскуола), «Гениус» лааҕыр («Уолан» гимназия ) хамаандалар көхтөөхтүк кытыннылар. Лааҕыр оҕолоро «Аар айылҕаны харыстаа» кинигэ быыстапканы билистилэр, улууспут экологиятын туһунан видео-матырыйаалы көрдүлэр, төрөөбүт улуустарын ытык кэрэ сирдэрин билэн, иҥэринэн тарҕастылар.

Ийэ айылҕаны кытары тэҥҥэ алтыһарга, дьикти кэрэ айылҕалаах, баай историялаах, ытык сиргэ төрөөн-үөскээн олорорбутунан киэн тутта, харыстыы, араҥаччылыы сылдьар ытык иэстээхпитин умнуо суохтаахпыт !

Надежда Гоголева, оҕо библиотекатын библиотекара.