Бэс ыйын 19 күнүгэр толору киһилээх П.А. Ойуунускай аатынан Саха театрын аччыгый саалатыгар биллиилээх лирик-поэт Василий Саввин төрөөбүтэ 80 сылыгар аналлаах "Киһи - бүппэт ырыа" тэрээһин буолан ааста. Саха театрын артыыстара Зоя Багынанова, Елизавета Потапова, Кирилл Семенов, Прокопий Данилов, Павел

Ченянов, Лена Маркова, Валентин Макаров, Татьяна Легантьева, ону тэҥэ Зоя Им уонна Саха Республикатын народнай артыыһа Зоя Багынанова ыҥырыытынан, Уус-Алдан улууһун кииннэммит библиотекатын тиһигин үлэһиттэрэ поэт хоһоонноруттан таҥыллыбыт уус-уран дьүһүйүүнү Марианна Федотова бэлэмнээн, көрөөччүлэр истиҥ биһирэбиллэрин ыллылар. Уус-уран дьүһүйүүнү туруорда Саха республикатын үтүөлээх артыыһа Дмитрий Михайлов. (киллэрэн биэр). "Уус-Алдан библиотекардара Ньурба библиотекардарын кытта Василий Саввиҥҥа, Варвара Потаповаҕа аналлаах проект оҥорон, тэрээһин ыытыа эбиккит", - диэн этии киирдэ. Хоһоон ааҕыытын кэнниттэн ахтыы киэһээтин Зоя Петровна тып-тап курдук иилээн-саҕалаан ыытта. Тэрээһиҥҥэ поэт истиҥ доҕоро, кини аатын үйэтитээччи, Саха Республикатын искусствотын үтүөлээх деятелэ Василий Васильевич Бочкарев, Дүпсүнтэн биир дойдулаахтара анаан кэлэн истиҥ ахтыыны оҥордулар. Көрөөччүлэр поэт, кини хоһооннорун туһунан санааларын сайа эттилэр, санаа үллэһиннилэр. Поэт хоһоонноро ааҕылыннылар, дьэ, бу буоллаҕа хоһоон дьоро киэһээтэ. Барыта балтараа чаас биллибэккэ ааста. Бүтэһиккэ, кэрэ өйдөбүл буоларын курдук, уопсай хаартыскаҕа түһүү тэрилиннэ.

Ольга Павлова, «Алгыс» кыраайы үөрэтэр отдел сэбиэдиссэйэ