Бүгүн, кулун тутар 6 күнүгэр, С.С. Васильев – Борогонскай аатынан киин библиотекаҕа "Кэскил түһүлгэтэ" улуустааҕы тэрээһин чэрчитинэн, РФ Государственнай Дууматын депутата Ф.С. Тумусов кэргэнэ, биир дойдулаахпыт, далбар хотун Зоя Егоровна Тумусованы кытта истиҥ көрсүһүү буолан ааста.

Зоя Егоровна саха ыалын аналын, инники кэскилин, Тумусовтар ыал чугас доҕоро мелодист Анастасия Варламова кытары алтыспытын туһунан сэһэргээбитин мустубут дьон сэҥээрэн иһиттилэр. Ытык ыалдьыппыт библиотекаҕа "Балбаара, Сэмэн Тумууһаптар, ыал удьуор утума. XX үйэ", "Саха алааһын Иэйэхситэ", "Будущее Мира и России:взгляд из Саха" кинигэлэри бэлэх уунна.